بابه‌ته‌كانی خاك

                                                                 


دۆزينەوەى ريژەى مەوادى ئۆڕگانى لە ناو خۆڵ

Test Standard: ASTM D 2974

ناساندن:

ئەم پشكنينە بەكاردەهێنرێت بۆ دۆزينەوەى ڕێژەى مەوادى ئۆڕگانى لە ناو خۆڵ، يەكێكە لە پشكنينە گرنگەكانى لێكۆڵينەوە جيۆتەكنيكيەكان كە پێويستە بۆ خۆڵى پڕۆژەيەك ئەنجام بدرێت بۆ دڵنيابوون لە كواليتى بەڕێوەچوونى كارەكان.

ئامێر و كەلوپەلە پێويستەكان:

ئەم كەلوپەلانەى خوارەوە كە لە وێنەى (١) پيشاندراوە پێويست دەبن بۆ ئەنجامدانى ئەم پشكنينە:

 ١- فڕنێكى كارەبايى كە بتوانێ نمونە گەرم بكات تا پلەى گەرمى ١٠٥+-٥  پلەى سيليزى و لەو پلەيە جێگيرى بكات، دەبيێت كاليبرەيشن كرابێت لەسەر مواصەفاتى E145 .

٢- فڕنى كارەبايى سوتێنەر Muffle Furnace Oven : فڕنێكى كارەبايى سوتێنەر كە بتوانێ نمونە گەرم بكات تا پلەى گەرمى ٤٤٠ +- ٢٢ پلەى سيليزى.

٣- تەرازووى هەستيار: تەرازوويەك كە بتوانێت لانى كەم بارستايى ٥٠٠ گرام پێوانە بكات و هەستيار بێت بۆ پێوانى ٠.٠١ گرام.

٤- قاپى هەڵماندن Evaporation Dish: دەبێت ئەو قاپە لە فەخفورى دروست كرابێت و شوشەيى بێت، لانى كەم قەبارەكەى ١٠٠ ملل بێت، ئەگەر ئەم قاپە بەردەست نەبێت دەتوانرێت هەر شتێكى تر بەكاربهێنرێت كە هەمان ئيش بكات،

٥- قاپێكى شوشە، كەوچك، دەستكێشى پەڕۆ.

٦- ديسكەيتەر: بريتيە لە دۆڵابێك كە بەشى پێشەوەى بە شوشە داپۆشراوە و لاكانى ترى بە ماددەيەك دروست كراوە كە ئاڵوگۆڕى گەرمى نەكات، جارى وا هەيە ڕێكخەرى گەرمى تيدايە، هەندێ جار جێڵى سليكاى تێدايە بۆ هەڵمژينى شێ.


وێنەى ١: كەلوپەلى پێويست

 هەنگاوەكانى ئەنجام دانى پشكنينەكە:

١- بارستايى قاپێك بە بەتاڵى پێوانە دەكرێت بۆ نزيكترين ٠.٠١ گرام، باشتر وايە قاپێكى پۆرسەلين بەكاربهێنرێت،بارستاييەكە لەسەر داتاشيت تۆماردەكرێت بە هێماى (Mp)، وێنەى (٢) وێنەى ئەنجامدانى ئەم هەنگاوە پيشان دراوە.

وێنەى ٢:  پێوانى بارستاى قاپێكى بەتاڵ

٢-  نمونەى پشكنينەكە دەخرێتە ناو فڕنێكى كارەبايى و گەرم دەكرێت لە پلەى گەرمى ١٠٥ +- ٥ پلەى سيليزى بۆ ماوەيەك كە كەمتر نەبێت لە ١٦ كاتژمێر تا بە تەواوى ووشك دەبێتەوە و هيچ ڕێژەيەكى شێ ى تێدا نامێنێت، وێنەى (٣وێنەى ئەنجامدانى ئەم هەنگاوە پيشان دراوە

وێنەى ٣:  دانانى نمونەكە لە ناو فڕن بۆ ئەوەى تەواو ووشك بێتەوە

٣- هەموو يان بەشێك لەو نمونەيەى كە لە هەنگاوى دووەم ووشك كرايەوە دەخرێتە ناو ئەو قاپەى كە لە هەنگاوى يەكەم بارستاييەكەى پێورا، ئينجا قاپەكە كە نمونەكەى تێدايە دەخرێتە سەر تەرازووەكە و بارستاييەكەى دەپێوريێت، ئەم بارستاييە بە هێماى (Mps) لەسەر داتاشيت تۆمار دەكرێت، وێنەى (٤) وێنەى ئەنجامدانى ئەم هەنگاوە پيشان دراوە.

وێنەى ٤:  پێوانى بارستايى نمونەكە دواى ئەوەى كە بە فڕن ووشك كرايەوە

 ٤-دواى پێوانى بارستايى نمونەكە بە ووريايى نمونەكە دەخرێتە ناو فڕنێكى سووتێنەر، بە هێواشى پلەى گەرمى فڕنەكە بەرز دەكرێتەوە تا دەگاتە ٤٤٠ +- ٢٢ پلەى سيليزى تا بە تەواوى ئەو ماددە ئۆڕگانيەى كە لە ناو خۆڵەكە دا هەيە دەسوتێت (تێبينى١)، وێنەى (٥) وێنەى ئەنجامدانى ئەم هەنگاوە پيشان دراوە.

وێنەى ٥:  سوتاندنى نمونەكە لە ناو فڕنێكى سوتێنەر

تێبينى: باشترين ڕێگا بۆ ئەوەى بزانرێت كە نمونەكە تەواو سوتاوە و هيچ مەوادێكى ئۆڕگانى نەماوە تێيدا دەبێت دواى ماوەيەكى زۆر گەرم كردن نمونەكە بهێنريێتە دەرەوە و ڕاستەوخۆ بارستاييەكەى پێوانە بكرێت، ئينجا بخرێتەوە ناو فڕن بۆ ماوەيەكى تر دووبارە بارستاييەكەى پێوانە دەكرێت، ئەگەر هيچ جياوازيەك لە نێوان بارستايى يەكەم و دووەم نەبوو ئەوا ماناى ئەوەيە كە نمونەكە بە تەواوى ووشك بۆتەوە، ئەگەر بارستايى جارى دووەم كەمتر بوو كەواتە هێشتا هەندێك مەوادى ئۆڕگانى ماوە كە دەسوتێت بۆيە دەبێت كاتێكى زياتر گەرم بكرێت/ بەم شێوەيە جارێكى تر تاقي دەكرێتەوە تا دەگەيتە دوا بڕيار.

٥-دواى تەواو دڵنيابون لە سوتانى نمونەكە، نمونەكە دەهێنرێتە دەرەوە و دەخرێتە ناو ديسكەيتەرێك تا بە تەواوى سارد دەبێتەوە، لەبەر ئەوەى نمونەكە زۆر گەرم كراوە كە سەرووى ٤٠٠ پلەى سيليزيە بۆيە قاپەكە زۆر زۆر گەرم دەبێت و دەبێت چاوەڕێ بكرێت تا بە تەواوى سارد دەبێتەوە، باشتر وايە هەر وا نمونەكە لە شوێنێكى كراوە دانەنرێت ڕەنگە شێ هەڵمژێ ئەگەر تاقيگەكە شوێنێكى شێدار بێت بۆيە باشتر وايە بخرێتە ناو ديسكەيتەر ( تێبيى ٢).

تێبينى ٢: ديسكەيتەر وەك لە وێنەى (١) پيشاندراوە پێكديێت لە كابينێك كە دەرگايەكى شوشەى هەيە و  بەكاردێت وەك خەزانێك بۆ دانانى نمونەى گەرم بۆ ئەوەى تيێدا سارد ببنەوە و هيچ شێيەك هەڵنەمژن.

٦- دواى تەواو سارد بونەوە نمونەكە ئينجا بە تەرازووەكە بارستايى نمونەكە پێوانە دەكرێت بۆ نزيكترين ٠.٠١گرام، ئە م بارستاييە بە هێماى (Mpbs) لەسەر داتاشيت تۆمار دەكرێت، وێنەى (٦) وێنەى ئەنجامدانى ئەم هەنگاوە پيشان دراوە.

وێنەى ٦:  پێوانە كردنى بارستايى نمونەكە دواى سووتاندنى

هاوكێشەكان و دۆزينەوەى دوا ئەنجام

شيكار كردنى نمونەيەك:



ئامادەكارى بابەت :

بەڵێن زرار عبدالصمد

 

 

 

 


لەوانەيە حەز بە خوێندنەوەى ئەم بابەتەش بكەيت لە بوارى "خاك"

بومه‌ له‌رزه‌ و پيوه‌رى ريخته‌ر
بومه‌ له‌رزه‌ و پيوه‌رى ريخته‌ر

بوومه‌ له‌رزه‌ كه‌ به‌ ئينگليزى پيى ده‌لين (Earthquake) بريتيه‌ له هه‌ژاندنى زه‌وى به‌ هۆى هيزيكى (.....)

زياتر بخوێنەوە ...
دۆزينەوەى ريژەى ئۆرگانى لە ناو خۆل
دۆزينەوەى ريژەى ئۆرگانى لە ناو خۆل

ئەم پشكنينە بەكاردەهێنرێت بۆ دۆزينەوەى ڕێژەى مەوادى ئۆڕگانى لە ناو خۆڵ، يەكێكە لە پشكنينە گرنگەكانى جيۆتەكنيكى (...)                          [ ... ]

زياتر بخوێنەوە ...
بە بەفر كردن و بەستانى زەوى
بە بەفر كردن و بەستانى زەوى

بە بەفر كردن و بەستانى زەوى ريگايەكە لە ريگاكانى جێگيركردنى خاك بۆ ئەوەى لە كاتى هەلكەندن و (....)

زياتر بخوێنەوە ...


S5 Box